آول نسخة

درنا احصاء للديزاينرز فالمغرب شارك فيه 1583 ديـزاينـر, سولناهم على الديزاين, القراية, الراتب, الخدمة… و هادو كانو هما النتائج

9

0

1

2

3

4

5

6

7

8

9

0

1

2

3

9

0

1

2

3

4

5

6

7

8

9

0

1

2

3

4

5

9

0

1

2

3

4

5

6

7

8

9

0

1

2

3

9

0

1

2

3

4

5

6

7

8

9

0

1

2

3

مشارك فالإستطلاع

9

0

1

2

3

4

5

6

7

8

9

0

1

2

3

9

0

1

2

3

4

5

6

7

8

9

0

1

2

3

4

5

9

0

1

2

3

4

5

6

7

8

9

0

1

2

3

9

0

1

2

3

4

5

6

7

8

9

0

1

2

3

مشارك فالإستطلاع

 نسبة الذكور والإناث؟

88%

ذكور

12%

إناث

من بين 1583 مشارك(ة) ف الاستطلاع، %88 ذكور و %12 إناث. مقارنة مع المتوسط العالمي، نسبة الإناث فمجال الديزاين في المغرب كاتعتبر ناقصة شوية، حيث كشف تقرير The Design Economy أن %23 من الديزاينرز فالعالم إناث.

الأرقام ف الديزاين كتتشابه مع الأرقام ف tech بشكل عام فالمغرب، حيت فالاستطلاع اللي دارتو GeeksBlabla ف 2023 كانت نسبة الذكور %87 و الانات %13.

العمر ديال الديزاينرز

5%

قل من 18 سنة

48%

بين 18و 24

41%

بين 25 و 34

5%

بين 35 و 44

1%

45 او اكثر

توزيع الاعمار كايبين واحد الهيمنة واضحة للفئات الشابة، بحيث %89 من المشاركين، صغر من 34 سنة.

نقدرو نفهمو السبب ديال هاد التوزيع ناتج على الجيل الجديد، لي كبر مع التكنولوجيا والإنترنت، وعندو سهولة كبيرة للولوج للمجال والتعلم الذاتي. زيد على هادشي، المنصات الرقمية والموارد التعليمية المجانية، سهلات على الشباب باش يطورو مهاراتهم بدون الحاجة لتكوين أكاديمي.

نسبة التخصصات بين الديزاينرز

36%

Graphic Designer

14%

لي جا باسم الله

13%

UX/UI Designer

8%

Brand/Logo Designer

6%

Web Designer

5%

Product Designer

4%

Art Director

3%

Motion Designer

2%

3D Designer

2%

Illustrator

2%

Design/Product Manager

5%

حاجة اخرى

بغض النظر على أنه كاين انتشار للديزاينرز فبزاف ديال المجالات إلا أن النسبة المهيمنة  هي الـ Graphic Design، و السبب يقدر يكون السهولة ديال الدخول للمجال وتوفره على الموارد التعليمية.

من الجهة الأخرى كانلاحظو أن %14 من المشاركين جاوبو بـ "لي جا باسم الله"، وهذا يمكن يعكس الواقع ديال سوق الشغل المغربي، اللي يمكن كيحتم على الديزاينرز أنهم يكون عندهم معرفة شاملة بمجموعة من المجالات.

بالنسبة للمجالات الأخرى فهي كاتبقى منخفضة ، رغم أن عندها طلب كبير عالميا. هاد الارقام يمكن تكون بسبب تكلفة الأدوات والتكوين، و قلة الطلب محليا.

فين كايتواجدو الديزاينرز؟

31%

الدار البيضاء - سطات

17%

الرباط - سلا - القنيطرة

16%

سوس ماسة

9%

مراكش - آسفي

7%

طنجة - تطوان - الحسيمة

6%

فاس - مكناس

3%

درعة تافيلالت

2%

الشرق

2%

بني ملال - خنيفرة

2%

كلميم واد نون

1%

العيون الساقية الحمراء

0.5%

الداخلة وادي الذهب

1%

Europe

1%

US & Canada

1%

Middle East

0.5%

Other

من خلال الإستطلاع، كانلاحظو تمركز في جهات الدار البيضاء-الرباط، بحيث كاتشكل %48 من مجموع المشاركين. الشئ لي عادي حيت هاد الجهات كايتوفرو على الأغلبية ديال الشركات, و الديزاينرز من مدن مختلفة كيضطرو يسافرو لهاد الجهات من اجل العمل.

وكاتبقى نسبة مهمة في سوس ماسة (%16)، الحاجة اللي كاتخليها تفوق على جهات مراكش وطنجة.

عدد سنوات الخبرة

6%

معنديش تجربة

12%

أقل من سنة

22%

بين سنة و 2

35%

بين 3 و 5

17%

بين 6 و 10

8%

أكثر من 10 سنوات

كانلاحظو أن أكبر نسبة من الديزانيرز عندهم تجربة ديال 3 حتى لـ 5 ديال السنوات، فيما تبقى ٪34 عندهم قل من عامين ديال التجربة, و ٪25 عندهم أكثر من 6 سنوات.
الا درنا اسقاط على العمر, فكنلقاو بلي ٪33 من الديزانيرز لي عمرهم متيفوتش 24 عام عندهم لتجربة بين 3-5 سنوات, الحاجة لي كتبين أن مجموعة كبيرة من الديزانيرز كيبداو فالمجال صغار .
بالنسبة للخبرة مقارنة بالتخصصات, فمكينش إختلاف كبير على الارقام لي لفوق باستتناء التخصصات الادارية ( Art Director و Design/Product Manager) لي ٪68 عندهم أكثر من 6 سنوات, الحاجة لي طبيعية فهاد التخصصات حيت كتحتاج خبرة.

فين قراو الديزاين؟

76%

تعلمت بوحدي

38%

قريت في المغرب

3%

قريت على برا

4%

Bootcamp

7%

حاجة اخرى

للإشارة, السؤال هنا كان متعدد الاختيارات

أغلب الديزانيرز تعلمو الديزاين بوحدهم، بنسبة 76 في المئة والسبب يقدر يكون سهولة الوصول للمجال و الإشتغال فيه عبر الأنترنت. فيما كانلاحظو أن 38 في المئة قراو في المغرب. وللتوضيح فـ فنفس الوقت 50 في المئة منهم اختارو "تعلمت بوحدي" . الشئ اللي كايبين على أن التعلم الذاتي كايبقى حاضر عند كل الفئات كوسيلة لتقوية المهارات والتطور في الضومين خصوصا أن المصادر المتواجدة عبر الأنترنت كاتكون أكثر توفر وأقل كلفة.

المصادر فين كايقراو الديزاين ؟

85%

Youtube

51%

مواقع التعليم أونلاين

22%

كتب

26%

Podcasts

25%

مقالات

14%

Events / conferences

8%

Bootcamp

13%

حاجة اخرى

غالبية الإجابات كاتشير إلى أن منصة Youtube هي الأكثر استعمالا من طرف الديزاينرز، بحيث هاد المنصة كاتوفر على مصادر واسعة و شاملة كاتغطي مختلف جوانب الديزاين بالإضافة إلى انها مجانية.

و كانشوفو كذلك أنه كاين إقبال على مواقع التعلم أونلاين، بحيث 51 فالمئة كايفضلو مواقع التعليم والسبب يقدر يكون راجع لأنها كاتكون متخصصة أكثر وكتوفر شهادات للديزاينرز اللي تقدر تعاونهم فسوق العمل.

المشروب المفضل وقت لخدمة

36%

القهوة

27%

الما

17%

أتاي

3%

مشروبات القوة

3%

حاجة اخرى

14%

حتى حاجة

بطبيعة الحال المشروب المفضل هو القهوة بنسبة 35 في المئة وكايجي من موراه الما بنسبة 27 في المئة، وفي المرتبة الثالثة كيجي أتاي، شي حاجة عادية أننا نشوفوه في المرتبة الثالثة حيت عندو طقوس خاصة وغالبا كايتشرب فـ أوقات محددة من النهار.

بينما 14 في المئة مكايشربو تا شي حاجة، ومن هاد المنبر كانقولو ليهمStay hydrated

منين كايخدمو الديزاينز

28%
(In-office) من البيرو
37%
(Remote) عن بعد
35%
(Hybrid) مرة هنا ومرة لهيه

كبداية كانلاحظو أنه إلى ماطبقنا حتى شي فلتر على النتائج فالأصوات كاتكون متقاربة مع هيمنة قليلة للديزاينرز لي خدامين Remote.

ولكن النتائج كاتكون عندها واحد المعنى أكبر منين كانطبقو الفلتر، وكايتضح لينا أن أغلب الأشخاص لي كايخدمو عن بعد، هما فريلانسرز وهدا شئ طبيعي.

ومنين كانركزو غير على الديزاينز لي خدامين فشركة فالمغرب فكنلاحضو أن نسبة Remote كتنقص, بحيت %50 كيخدمو فالبيرو, %13 كيخدمو عن بعد و %36 كيخدمو Hybrid.

اللغات اللي كيعرفو ليهم

98%

العربية

92%

الإنجليزية

31%

الأمازيغية

75%

الفرنسية

12%

لغات آخرى

للإشارة, السؤال هنا كان متعدد الاختيارات

رغم أن اللغة الفرنسية هي اللغة الأجنبية الأولى اللي كايتحدث بيها نصف سكان المغرب حسب Morocco.com إلا أنها كاتجي في المرتبة الثالثة بعد الإنجليزية بين الديزاينرز.

من الملاحظ أن اللغة الإنجليزية كتداول بشكل كبير بنسبة 92% هادشي يقدر يكون راجع لأن أغلب مصادر التعلم متاحة باللغة الإنجليزية، و أيضا نفسروه بالتحول اللي طاري في العولمة وأهمية هاد اللغة في سوق العمل والإهتمام بهاد الفئة باللغة الإنجليزية أكثر من الفرنسية.

واش كاين مصادر كافية لتعلم الديزاين؟

25%

اه

75%

لا

75 في المئة من المشاركين كايعتاقدو أن المصادر المتاحة لتعلم الديزاين في المغرب مكافياش. هادشي كايبين على أنه كاين حاجة ملحة لتحسين وزيادة الموارد التعليمية المتخصصة للديزاين. وأيضا كايعطي فرصة لكل الديزاينرز باش يطورو من الجودة ديال الديزاين في المغرب ويطلقو مبادرات لي كاتهدف إلى نشر المعرفة ديالهم.

الصعوبات اللي لقاو فتعلم الديزاين؟

57%

نقص الارشاد و التوجيه

42%

مكاينش التحفيز والإنضباط

30%

مسألة مادية

27%

قلة المصادر والإدوات

20%

مكاينش الوقت

18%

اللغة

11%

حاجة اخرى

كيما كنلاحظو نقص الإرشاد والتوجيه خدات المرتبة الاولى من ناحية العوائق، وكايجي من موراها عائق التحفيز ة الانضباط, هادشي يقدر يكون ناتج على عدة أسباب من بينها

  • مجال الديزاين كايحتاج مجهود ،انضباط و تطبيق مستمر. ومن السهل فيه أن الديزاينرز يفقدو الإهتمام.

  • مجال الديزاين فيه بزاف ديال التخصصات و من السهل على أي ديزاينر يحير بين هاد التخصصات الى مكانش توجيه مزيان.

  • قلة القادة فالمجال لي يوريو طريق لناس لي يلاه باديا 

  • برامج الديزاين مدفوعين و ماشي دائما متاحين بنسخة مجانية كـبرامج Adobe

الوضعية المهنية ديال الديزاينرز

46%

خدام Freelance

33%

خدام مع شركة Full-time

19%

كانقرا

17%

كانقلب على خدمة (ماخدامش)

8%

سطاج

7%

خدام مع شركة Part-time

5%

تا شي وحدة من هادو

للإشارة, السؤال هنا كان متعدد الاختيارات

النسبة الكبيرة كتمشي للفريلانس ب %46 وهادشي ماشي مفاجئ. ولكن الفريلانس يقدر يكون عندو بزاف ديال التفاسير من بينها أن الديزاينرز مزالين في طور البحث عن عمل Full time أو مزالين كايقراو. أو بكل اختصار اختيار شخصي لكون الفريلانس كيعطي مرونة كبيرة في جميع المستويات وكذلك إمكانية العمل عن بعد، سواء مع عملاء مغاربة ولا أجانب.

وباش نفصلو أكثر في المعطيات، كانلقاو:

  • 24% من لي خدامين فريلانس فنفس الوقت كيخدمو مع شركات Full time أو Part time

  • 11% من لي خدامين فريلانس قالو أنهم حاليا كيقلبو على خدمة (ماخدامش)

  • 16.8% من لي خدامين فريلانس قالو أنهم مزال تيقراو

واحد النقطة مهمة هي أن %19 من المشاركين كيقراو. هنا خاصنا نفهمو أن ماشي بالضرورة كاملين كيقراو تخصص الديزاين. بزاف منهم يمكن كيقراو شي حاجة خرى وكيتعلمو الديزاين في نفس الوقت، إما من خلال كورسات أونلاين ولا بشكل ذاتي.

فين كايتواجدو الشركات فين خدامين؟

47%

شركة في المغرب

11%

شركة برا المغرب

58%

خدام فريلانس

2%

تا شي وحدة من هادو

للإشارة, السؤال هنا كان متعدد الاختيارات

تقريباً نصف الديزينرز خدامين مع شركات في المغرب. فحين النسبة الأكبر منهم خدامين كفريلانسر. الحاجة لي كتخلينا نتسائلو واش الشركات كيفضلو عقود مؤقتة بدل الالتزام بوظيفة دائمة ولا الفرص متوفرة بكترة بالنسبة للفريلانس مقارنة بالوظيفة الدائمة. أو أن الديزينرز كيفضلو الفريلانس للمرونة و نسبة الدخل ديالو.

يجدر بالدكر أن ملي كانحيدو الديزاينرز لي كيخدمو فريلانس باش نركزو على لي خدامين ف شركات كانلاحظوا أن %83 ليـ كايخدموا فشركات فالمغرب، فحين 17% كيخدموا فشركات على برا.

شحال كيتخلصوا الديزاينرز

بشكل عام إلا خدينا جميع التخصصات و كل أنواع العمل (فريلانس و لا خدام فشركة) كنلقاو بلي %48 من الديزانيرز كايتخلصو أقل من 5000 درهم شهريا, فحين %28 كيتخلصو بين 5000 و 10000 درهم, و %17 كيتخلصو بين 000 10 و 000 30 درهم, و %6 كيتخلصو كتر من 000 30 شهريا.
حيت الفلوس مفيهمش اللعب, و باش نفهمو مزيان الارقام, خاص نفصلو ف كل حاجة بوحدها.

الاجر الشهري حسب نوع التخصص:

48%
< 5 000
28%
5 000 - 10 000
17%
10 000 - 30 000
4%
30 000 - 50 000
1%
50 000 - 100 000
1%
> 100 000

  • من ناحية التخصصات كنلاحظو بلي مجالات ك  Product design و UX/UI design و 3D design و Art Director الاجر ديالهم مرتفع مقارنة ب Graphic design و Brand/logo design و Web design.

  • الديزاينرز لي خدامين فجاع المجالات 'لي جا باسم الله' هما الاقل أجرا, الحاجة لي تقدر تعطينا نظرة على أن الديزينرز لي متخصصين عندهم أجر حسن من لي ممتخصصينش فواحد المجال.

مقارنة بين لي خدامين فريلانس مع لي خدامين فالشركات:

62%
< 5 000
23%
5 000 - 10 000
12%
10 000 - 30 000
2%
30 000 - 50 000
1%
50 000 - 100 000
1%
> 100 000

كنلاحظو تباين كبير فالدخل حسب نوع العمل:

  • بالنسبة لي خدامين فالشركات المغربية, ف %31 من الديزاينرز كيتقاضاو قل من 5000 درهم, و %39 ما بين 5000 و 10000 درهم,

  • بالنسبة لي خدامين فشركات على برا فكنلحظو أن % 46 كيتخلصو بين 10 و 30 ألف درهم شهريا, و %22 كيوصلو ل 30-50 ألف درهم.

  • بالنسبة للفريلانس، الوضع مختلف تماما, %62 كيتقاضاو أقل من 5000 درهم، النسبة لي كبيرة بزاف, فحين %23 بين 5000-10000 درهم. و غير 12% كيوصلو ل 10-30 ألف درهم.

مقارنة بين الذكور و الاناث:

38%
< 5 000
46%
5 000 - 10 000
15%
10 000 - 30 000
1%
30 000 - 50 000
0%
50 000 - 100 000
0%
> 100 000

كنلاحظو أن نسبة الذكور لي كيتخلصو قل من 5000 درهم أكبر من نسبة الاناث. بحيث كتشكل %50 فالذكور و %38 فالاناث.

الاجر الشهري حسب سنوات التجربة:

من ناحية سنوات الخبرة, %81 من الفريلانسرز لي عندهم قل من 2 سنوات ديال الخبرة كيتخلصو قل من 5000 درهم شهريا, هاد نسبة كتنزل ل %50 بالنسبة لناس لي خدامين فالشركات المغربية, فحين غير %12 بالنسة لي خدامين فشركات على برا.

حجم ديال الشركة فين خدام

40%

بوحدي

13%

2-5

13%

5-10

16%

10-50

8%

50-100

10%

+500

40% من الديزاينرز كيشتاغلو بوحدهم. هاد النسبة العالية مرتبطة بالنسبة الكبيرة من الديزاينرز لي خدامين فريلانس و لي أغلبية فيهم خدامين بوحدهم.

الا ركزنا غير مع لي خدامين فالشركات فالنسب كتختلف بشكل كبير, حيت لي خدامين بوحدهم كايوليو %4 فحين الباقي موزع على كل الاحجام, و بنسبة كثر شوية لشركات لي عندهم 10-50 موظف.

نسبة الديزاينرز اللي كايقلبو على عمل

62%
في إطار البحث
38%
لا مكنقلبش

هاد الإحصائيات كتبين لينا واحد الواقع مهم فسوق الديزاين المغربي: أكثر من نصف الديزاينرز كيقلبو على عمل ولا باغيين يبدلو العمل ديالهم. هاد الرقم يقدر يكون عندو بزاف ديال التفسيرات:

  • بما أن نسبة كبيرة من الديزينرز خدامين فريلانس فمن طبيعية العمل أن أغلبية فيهم في بحث مستمر على عمل ولا كليان جداد.

  • بالنسبة لي خدامين فشركات النسبة كتوصل %47 يمكن حيت السوق فيه المنافسة طالعة أو لأن الطلب قليل. ولا باغين فرص أحسن و ماراضيينش على ظروف الخدمة الحالية.

واش الشركات كاتعطي أهمية للديزاين؟

12%

مكتعطيه حتى أهمية

38%

شوية د الأهمية

47%

أهمية كبيرة

47% من الديزاينرز كيقولو أن الشركات كيعطيو أهمية كبيرة للديزاين، فحين %38 كيقولو بأنهم كيعطيو شوية ديال الأهمية، معناه أكثر من 85% من الشركات كيدركو قيمة الديزاين، وهاد الرقم كيبين بأن الوعي بأهمية الديزاين غادي كايتطور في المغرب.

الديزاينرز لي تطلب منهم يكبرو اللوگو

77%

تطلب مني

23%

لا وتقول

77% من الديزاينرز المغاربة سمعو الجملة المشهورة "واش ممكن تكبر اللوگو شوية؟" 😅 بطبيعة الحال مكانقولوش أن تكبير اللوغو شي حاجة سلبية، لأن هذا كايعتمد بزاف على السياق اللي جا فيه الطلب. كاتبقى 23% لي ماتطلبش منهم يكبرو اللوغو.

هاد السؤال كان لغرض المتعة فقط. ولكن كانشجعو الديزاينرز على أنه يوصلو رسائل إبداعية بدون الحاجة إلى تكبير اللوغو من غير إلى كان اللوغو هو الرسالة.

كيفاش حصلو على أول خدمة؟

28%

تم التواصل معي شخصيا

16%

مواقع التواصل الإجتماعي

13%

LinkedIn

9%

Referrals (إحالات)

7%

مواقع البحث عن عمل (...Indeed, Glassdoor)

6%

منصات الديزاين (…Dribbble, Behance)

1%

عبر موقعي الشخصي

20%

تا حاجة من هادو

النسبة الكبيرة كتمثل الناس لي تم التواصل معاهم شخصيا (%28)، وهادشي كيبين قوة العلاقات الشخصية فالمغرب (Word of mouth). المواقع الإجتماعية جات فالمرتبة الثانية ب %16، متبوعة ب LinkedIn ب %13. المثير للإهتمام هو أن المنصات المتخصصة فالديزاين بحال Behance و Dribbble كتمثل غير %6، رغم أنها منصات معنية للبحث عن عمل.

اللي ملفت للنظر هو أن 20% ماحصلوش خدمتهم من أي وحدة من هاد الطرق، وهادشي كيمكن يكون راجع لطرق أخرى ماكتظهرش فالإختيارات بحال التداريب، ولا الخدمة مع شركات عرفوهم فالجامعة، ولا حتى الفريلانس لي بداو بيه بزاف ديال الديزاينرز. بطبيعة الحال هادو غي تقديرات. تقدرو تخليو لينا في الردود شنو يقدرو يكونو بعض الأسباب الأخرى.

كاتبقى %1 لي حصلو على أول خدمة عن طريق الموقع الشخصي ديالهم.

البرامج اللي كايتسعملو ف الديزاين

20%

Figma

33%

Adobe Illustrator

33%

Adobe photoshop

2%

💀 Adobe XD

3%

Motion design tool (After effect...)

3%

3D Modeling tool (Blender...)

5%

شي حاجة أخرى

برامج Adobe كايتعتابرو الأكثر استعمالا من طرف الديزاينرز، خصوصا فوتوشوب و إلستراتور لي هما الأكثر شهرة, هادشي يقدر يكون راجع لأن النسبة الكبيرة من الديزاينرز مختصين فالگرافيك ديزاين, و علما أن تخصصات أخرى ك logo design حتى هما كيستعملو هاد البرامج.
فالمرتبة الثانية كنلقاو Figma البرنامج الأساسي بالنسبة للتخصصات بحال UX/UI و Product Design.

كاينين بعض الإستثناءات:

  • إلا ركزنا غير على لي خدامين فشركات على برا فـ Figma  كتحتل المرتبة الاولى بنسبة %40. 

  • إلا ركزنا غير على لي خدامين فشركات فالمغرب ف برنامج إلستراتور  كتحتل المرتبة الاولى بنسبة %34. 

نظام تشغيل باش كايخدمو الديزاينرز؟

68%

Windows

29%

Mac

3%

Linux

الإحصائيات كاتبين على أن %68 من الديزاينرز المغاربة كيخدمو ب Windows، ماشي Mac. هاد الرقم كيعكس واحد الحقيقة بسيطة: الديزاينرز كيختارو الأداة لي كتناسبهم وكاتناسب الإمكانيات والظروف ديالهم، و هاد الرقم كايتماشى مع الإحصائيات لي دارتهم Statista حول الإستعمال ديال الحواسب في المغرب ككل، بحيث كايجي حاسوب Lenovo في المرتبة الأولى و Apple في المرتبة الخامسة, الحاجة اللي كاتبين حتى على أن الماك ماعندوش حضور كبير في المغرب.
وبطبيعة الحال كاتبقى جودة العمل ماشي مرتبطة بنوع النظام، ولكن بمهارات الديزاينر نفسو.

مصادر الإلهام المفضلة عند الديزاينرز

72%

Behance

68%

Pinterest

52%

Social media

41%

Dribbble

16%

Awwwards

6%

(e.g. Muzli) Chrome extensions

22%

شي حاجة أخرى

مواقع Behance و Pinterest هما الأكثر انشارا من بين الديزاينرز في المغرب، وهدا يقدر يكون ناتج عن سهولة استعمال هاد المواقع وأيضا التوفر ديالهم على العديد من المصادر في أغلب مجالات الديزاين.
نسبة كبيرة كدلك كيلقاو الالهام ديالهم من Social media هادش راجع لأنو أغلب الديزينرز ليوم كينشرو الاعمال ديالهم تما.

 الديزاينرز و البرمجة

63%

مكانعرفوش نبرمج

37%

كانعرف نبرمج

من بين 1583 مشارك فالاستطلاع، %63 منهم قالو أنهم ما كيعرفوش يكودو، بينما 37% أكدو أنهم كيعرفو البرمجة.

درنا هاد السؤال باش نفهمو شحال من ديزاينرز قريبين من المجال التقني، خاصة أننا كنعرفو بأن بزاف من الديزاينرز فالبداية كيجيو من خلفية تقنية ولا كيدرسو مجالات تقنية إلى جانب الديزاين.

إلا ركزنا غير على ديزاينرز د web و UI/UX ، كتطلع النسبة ل60% لي كيعرفو البرمجة. وهادي طبيعية بزاف نظرا للقرب الكبير بين هاد التخصصات والمجال التقني.

الرأي ديالهم في الكومينيتي ديال الديزاين؟

50%

تحت المستوى

28%

فوق المستوى

22%

ناضية, مخاصها تا خير

50% من الديزاينرز المغاربة كيشوفو أن الكومينوتي ديال الديزاين فالمغرب تحت من المستوى. فحين الباقي مفرقين بين فوق المستوى و ناضية والنسبة الي قالو فوق المستوى أو ناضية كتختلف حسب المدن.

واحد نقطة مهمة هي أن 82% من لي قالو أن الكومينوتي "فوق من المستوى" ما حضروش لحتى ملتقى فالعام لي فات! هادى معطى مهم جدا و كيرفع علامة استفهام كبيرة حول سيكولوجية التقييم و معنى الكومينيتي بالنسبة للديزاينرز.

50% من الديزاينرز المغاربة كيشوفو أن الكومينوتي ديال الديزاين فالمغرب تحت من المستوى. فحين الباقي مفرقين بين فوق المستوى و ناضية والنسبة الي قالو فوق المستوى أو ناضية كتختلف حسب المدن.

واحد نقطة مهمة هي أن 82% من لي قالو أن الكومينوتي "فوق من المستوى" ما حضروش لحتى ملتقى فالعام لي فات! هادى معطى مهم جدا و كيرفع علامة استفهام كبيرة حول سيكولوجية التقييم و معنى الكومينيتي بالنسبة للديزاينرز.

50% من الديزاينرز المغاربة كيشوفو أن الكومينوتي ديال الديزاين فالمغرب تحت من المستوى. فحين الباقي مفرقين بين فوق المستوى و ناضية والنسبة الي قالو فوق المستوى أو ناضية كتختلف حسب المدن.

واحد نقطة مهمة هي أن 82% من لي قالو أن الكومينوتي "فوق من المستوى" ما حضروش لحتى ملتقى فالعام لي فات! هادى معطى مهم جدا و كيرفع علامة استفهام كبيرة حول سيكولوجية التقييم و معنى الكومينيتي بالنسبة للديزاينرز.

نسبة الديزاينرز لي منخارطين فشي كومينوتي

20%

منخرط

80%

ممنخرطش

غالبية الديزاينرز بنسبة 80% مامنخارطينش فحتى ديزاين كومينوتي, هادشي غالبا السبب الرئيسي فيه هو قلة الديزاين كومينوتي في المغرب.

واش كاينين ملتقيات ديال الديزاين ؟

91%

لا, مكينش

9%

أه كاين

91% من الديزاينرز قالو أنه مكينش ملتقيات كافية ف ديزاين فالمغرب, الحاجة لي كتبين النقص الكبير فهاد المجال, هادشي كيتأكد ملي كنسولو الديزاينرز على العدد ديال الملتقيات لي حضرو ليهم ف 2023, بحيت %83 من الديزاينرز جاوبو بأنهم محضرو لحتى شي ملتقى, فحين %9 حضرو لملتقى واحد, و %8 حضرو لأكتر من واحد.

عدد الملتقيات لي حضرو ليهم ف العام لي فات

83%

والو

9%

1

5%

2-3

3%

اكثر من 3

الا وصلتي لهنا راك مهتم, و اكيد كتعرف ناس مهتمين مزال ما دازو هنا. بارطاجي باش نوصلو ليهم ;)

Tweet
Post
Share

صنع بالمغرب

زيــرو كـود

صنع بالمغرب

لندعم المنتوج المحلي

صنع بالمغرب

لندعم المنتوج المحلي

زيــرو كـود

لندعم المنتوج المحلي

بقا على القرص!

إنضم لأكثر من 1234 مشترك و توصل بجديد المنصة! غادي توصلك المقالات الجديدة مباشرة فالإيميل ديالك.

مهتم تعرف أكتر؟

الداتا لي خدمنا عليها كاينة رهن الاشارة لأي واحد بغا يدير تحليل, متوفرة بفورما Sheets و يمكن ليك تطلبها.

طلب داتا

طلب داتا

طلب داتا

شكون حنا

شكون حنا

شكون حنا

124

ديزاينرز

124

ديزاينرز

124

ديزاينرز

فضاء لجميع المصممين المغاربة

فضاء لجميع المصممين المغاربة

علاش

الديزاينرز

الإحصاء

إلى عجبك الكونسيبط بارطاجي

شوف شوية لتحت وكوبي الرابط وعيش

www.whodesign.ma

كوبي